ആകാശത്തിനു കീഴെയുള്ള കാര്യങ്ങള്‍
"ആകാശത്തിനു കീഴിലുള്ള
ഏതു കാര്യത്തെക്കുറിച്ചും
എന്നോടു ചോദിക്കാം
(മറുപടി തീര്‍ച്ച)".
"അപ്പോള്‍ ,
ആകാശത്തിനു മുകളിലുള്ള
കാര്യങ്ങള്‍ ?"
"............."
ആകാശം....അതെന്താണ്?
നീലിച്ചു കാണുന്ന ശൂന്യത?
മാറും നിറങ്ങളില്‍ മറഞ്ഞ
പൊള്ളത്തരം?
എന്തുമാകട്ടെ, പക്ഷെ ,
പറയരുതാകാശമില്ലെന്നു...
ഉണ്ട് , ഓരോരുത്തര്‍ക്കും ...
അവരവരുടെ തലയ്ക്ക് മുകളില്‍
മാത്രം .
ശരി ,
ഇനി നീ പറഞ്ഞുകൊള്ളൂ
നിന്റെ ആകാശത്തിനു
കീഴെയുള്ള കാര്യങ്ങളെപ്പറ്റി ...
പക്ഷെ ,പെട്ടെന്നു വേണം ...
കിണര്‍വട്ടത്തിലുള്ള ആകാശങ്ങള്‍ക്കപ്പുറത്ത്
ഒളിപ്പിച്ചുവച്ച ഇടിവെട്ടും പേമാരിയുമായി
കാര്‍മേഘങ്ങള്‍ ഉരുണ്ടുകൂടുന്നുണ്ട് ".
No comments:
Post a Comment