കണ്ണ്  കെട്ടിവച്ചു ഞങ്ങൾ 
നിന്റെ സ്വപ്നങ്ങളെ വ്യാഖ്യാനിച്ചു
മുഖത്ത് മയിൽപ്പീലിയും
മനസ്സിൽ കടൽപാലവുമായി
നീ മിണ്ടാതെ നിന്നുതന്നു...
നിന്റെ മൗനങ്ങളിൽ ഞങ്ങൾ
സ്വാതന്ത്ര്യം കണ്ടെത്തി...
 നിന്റെ നിശബ്ദ പുഞ്ചിരികളിൽ
ഞങ്ങൾ നിന്റെ ജാതകമെഴുതിവെച്ചു .
അപ്പോഴും,
ആർത്തിരമ്പുന്ന കടലിലേക്കു കൂപ്പുകുത്താതെ
മനസ്സിലെ കടൽപ്പാലത്തിൽ
നിന്റെ വാക്കുകൾ
തനിച്ചിരുന്നു
--കരഞ്ഞോ, ചിരിച്ചൊ, അതിന്നും
 ഞങ്ങൾക്കറിയില്ല--
ഒരു ദിവസം,
മുറിഞ്ഞുപോയൊരു സ്വപ്നത്തെ
ഞങ്ങൾക്ക്   തന്നു
നീ ഓടിമറഞ്ഞു,,,....
നീ തന്നുപോയ സ്വപ്നത്തെ വ്യാഖ്യനിക്കാനാവാതെ
സ്വയം കണ്ണുകെട്ടി
ഞങ്ങൾ ഇരുട്ടത്തു നടന്നു......

(2014)