അന്ധയായ എനിക്ക്
നീ തന്നത് മുഴുവൻ
കരിനീല നിറമായിരുന്നു
എന്റെ കടലതിൽ നിറഭേദമില്ലാതെ
നീലിച്ചു കിടന്നു..
ചുവപ്പിനു പകരം എന്റെ കാൻവാസിൽ
വിഷം തീണ്ടിയ
കരിനീല രക്തമൊഴുകി..
മരണമഞ്ഞയിൽ വാൻഗോഗിന്റെ
സൂര്യകാന്തികളെന്നപോലെ
കരിനീലയിൽ എന്റെ അജ്ഞതയും
നിന്റെ വഞ്ചനയും
ഉണങ്ങിപ്പിടിച്ചു .
ഇപ്പോൾ ഞാൻ നിറഭേദമില്ലായ്മയുടെ ക്രൂരത
ശീലിച്ചുകഴിഞ്ഞു
ഒറ്റനിറത്തിന്റെ ഷേഡുകളെ
തിരിച്ചറിയാൻ പഠിച്ചു...
ഇനിയെന്റെ കാൻവാസുകളിൽ നീല നിറയും
വഞ്ചനയുടെയൊ
പ്രതികാരത്തിന്റെയോ ഒറ്റനിറമായല്ല,
നിറങ്ങളെ ഭേദിക്കുന്ന അതിജീവനമായി.......

(2014)